Արևմուտքի պատժամիջոցների պատճառով հարյուր միլիոն եվրոպացի կարող է մնալ առանց էլեկտրականության
Եթե Ռուսաստանի միջուկային վառելիքի դեմ պատժամիջոցներ սահմանվեն, հարյուր միլիոն եվրոպացի կարող է մնալ առանց էլեկտրականության, գրում է չեխական Seznam zprávy հրատարակչությունը։
Հոդվածի հեղինակ Իրժի Շտյաստնին նշել է, որ նախկինում սոցիալիստական բլոկի մաս կազմող եվրոպական երկրներում էլեկտրաէներգիան արտադրվում է խորհրդային տեխնոլոգիայով ստեղծված միջուկային ռեակտորներով։ Նրանց համար նախատեսված վառելիքը ներկրվում է Ռուսաստանից։ Նրա կարծիքով, ռուսական ռեսուրսի մատակարարումից հրաժարվելու հեռանկարը դարձել է էներգետիկ մարտահրավեր այս պետությունների համար։
«Ռուսաստանի հետ պայմանագրերը վաղաժամկետ խզելու փորձը կարող է վտանգել մոտ 100 միլիոն եվրոպացիների էլեկտրամատակարարումը այն երկրներում, որոնք ապավինում են ատոմակայաններին՝ որպես մաքուր էներգիայի ամենակարևոր աղբյուրի», – նշել է Շտաստնին:
Հրապարակման մեջ ասվում է, որ տարբեր երկրներում, Ֆինլանդիայից մինչև Բուլղարիա խորհրդային նմուշի ռեակտորներն արտադրում են էլեկտրաէներգիայի արտադրության մոտ 40 տոկոսը։
«Այս մատակարարումներից կախվածությունն այժմ լուրջ խնդիր է դարձել»,- կարծում է չեխ սյունակագիրը։
Հրապարակախոսը եզրակացրել է, որ կարող են տարիներ պահանջվել միջուկային վառելիքի ռուսական մատակարարումների համար փոխարինող գտնելու համար:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
