ՌԴ ԱԳՆ-ը Արցախում զորքերի դուրս բերման մասին հարցը վերահասցեագրել է Բաքվին
ՌԴ ԱԳՆ-ը Արցախում զորքերի դուրս բերման մասին հարցը վերահասցեագրել է Բաքվին։
Ադրբեջանական զորքերի դուրս բերման մասին հարցը պետք է ուղղել Բաքվին։ Այս մասին երեքշաբթի ՏԱՍՍ-ին հայտնել է փոխարտգործնախարար Անդրեյ Ռուդենկոն։
«Ռուսաստանի արտաքին գործերի նախարարությունն արել է իր հայտարարությունը՝ մտահոգություն հայտնելով ղարաբաղյան գոտում լարվածության սրման կապակցությամբ»,- ասել է Ռուդենկոն։
Մարտի 26-ին ՌԴ պաշտպանության նախարարությունը հայտարարել էր, որ ադրբեջանական զորքերը մտել են Լեռնային Ղարաբաղի տարածքում ռուսական խաղաղապահ զորախմբի պատասխանատվության գոտի։ Կիրակի երեկոյան ՌԴ պաշտպանության նախարարությունը հայտնել էր, որ Ադրբեջանը զորքերը դուրս է բերել Լեռնային Ղարաբաղի Փառուխ բնակավայրից։ Ադրբեջանի ՊՆ-ն ավելի ուշ հայտարարել էր, որ հանրապետության զինված ուժերի ստորաբաժանումները դուրս չեն բերվել բնակավայրից։
Ավելի վաղ Հայաստանի ԱԳՆ-ը հայտարարել էր, որ մարտի 24-ին՝ Մոսկվայի ժամանակով մոտ 15:00-ին, ադրբեջանական զորքերը ներխուժել են Փառուխ գյուղ։
