Մենք շահագրգիռ ենք գործերի մակագրման համակարգչային ծրագրի արագ վերագործարկման հարցում․ Դատական դեպարտամենտ
ՀՀ գլխավոր դատախազությունը ՀՀ Բարձրագույն դատական խորհրդի աշխատակազմ՝ դատական դեպարտամենտին տեղեկացրել է դատական գործերի համակարգչային մակագրման ծրագրի վերագործարկման թույլատրելիության և քննվող քրեական գործով դրա համար խոչնդոտների բացակայության մասին: Այս մասին տեղեկացնում է Դատական դեպարտամենտը https://www.facebook.com/permalink.php?story_fbid=270198691967701&id=100069327154682։
«Ներկայումս «Դատական համակարգ» համակարգչային ծրագրի հեղինակ և սպասարկումն ապահովող կազմակերպության և դատական դեպարտամենտի մասնագետների կողմից կատարվում են նախապատրաստական անհրաժեշտ աշխատանքներ համակարգի ամբողջական շահագործումն ապահովելու համար:
Մենք շահագրգիռ ենք մակագրման համակարգչային ծրագրի արագ վերագործարկման հարցում»,- հայտնում են Դատական դեպարտամենտից։
Հիշեցնենք, որ դեռևս ամիսներ առաջ ԱԱԾ-ում հարուցված քրեական գործի շրջանակներում առգրավվել էր համակարգիչը, որով իրականացվում էր քրգործերի բաշխումը: Օրեր առաջ դատախազությունից հայտնել էին, որ դատական գործերի մակագրման համակարգի առգրավված բանալիները վերադարձվել են Դատական դեպարտամենտին, և մակագրման համակարգը կարող է վերագործարկվել։ Ի պատասխան՝ ԲԴԽ-ը հակադարձել էր՝ նշելով, թե բանալիները չեն վերադարձվել Դատական դեպարտամենտին: