Օմանի Սուլթանությունում ՀՀ արտակարգ և լիազոր դեսպան է նշանակվել Հրաչյա Փոլադյանը
Նախագահի լիազորությունները ժամանակավորապես կատարող Ալեն Սիմոնյանը մարտի 7-ին հրամանագիր է ստորագրել, որում ասվում է.
«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի.
Եգիպտոսի Արաբական Հանրապետությունում Հայաստանի Հանրապետության արտակարգ և լիազոր դեսպան Հրաչյա ՓՈԼԱԴՅԱՆԻՆ, համատեղության կարգով, նշանակել Օմանի Սուլթանությունում Հայաստանի Հանրապետության արտակարգ և լիազոր դեսպան (նստավայրը՝ Կահիրե)»։
