Բրեստում մեկնարկել են ռուս–ուկրաինական բանակցությունները
Ռուս–ուկրաինական բանակցությունները մեկնարկել են։ Տեղեկությունը ՌԻԱ Նովոստիին հայտնել է Բելառուսի ԱԳՆ–ն։
ՌԴ նախագահի օգնական, ռուսական պատվիրակության ղեկավար Վլադիմիր Մեդինսկին ավելի վաղ հայտնել էր, որ բանակցությունները կկայանան Բրեստի մարզում։ Ռուսական առաջարկները բաղկացած են 3 մասից ՝ ռազմատեխնիկական, հումանիտար-միջազգային և քաղաքական:
ԶԼՄ-ները նշում են, որ բանակցությունները մեկնարկել են կողմերի ձեռքսեղմումով։
Նշենք, որ բանակցությունների առաջին փուլը կայացել է փետրվարի 28-ին Բելառուսի Գոմելի մարզում։