Մոսկվան չի բացառում Լոնդոնի հետ դիվանագիտական հարաբերությունների խզումը
Ռուսաստանը կարող է խզել Մեծ Բրիտանիայի հետ դիվանագիտական հարաբերությունները, եթե պաշտոնական Լոնդոնը շարունակի արգելել տեղի ռուսական դեսպանատանը ստանալ ֆինանսական անհրաժեշտ միջոցներ։ Այս մասին «Россия – 24»-ի եթերում հայտարարել է Բրիտանիայում ՌԴ դեսպան Անդրեյ Կելինը։
«Այդպիսի հավանականություն միշտ էլ կա, բայց մենք պատերազմի շեմին չենք։ Դիվանագիտական հարաբերությունների խզումը կնշանակի, որ ոչ միայն մենք, այլև Մոսկվայում Մեծ Բրիտանիայի դեսպանությունը պետք է լքի երկիրը», – ասել է նա։
