Ռուսաստանի և Իրանի նախագահները հեռախոսազրույց են ունեցել
ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Էբրահիմ Ռայիսիի հետ, իրանական կողմի նախաձեռնությամբ։ Այս մասին հայտնում են Կրեմլից։
Վլադիմիր Պուտինը տեղեկացրել է Ուկրաինայի շուրջ իրավիճակի զարգացումների մասին՝ հատուկ ռազմական գործողություն իրականացնելու որոշման համատեքստում Դոնբասի հանրապետությունների խաղաղ բնակչության պաշտպանության համար, միջազգային իրավունքին և ԴԺՀ-ի և ԼԺՀ-ի հետ բարեկամության և փոխօգնության պայմանագրերով ստանձնած պարտավորություններին համապատասխան:
Իր հերթին, Իրանի նախագահը ըմբռնում է հայտնել՝ ԱՄՆ-ի և ՆԱՏՕ-ի ապակայունացնող գործողությունների պատճառով Ռուսաստանի անվտանգության մտահոգությունները։
Հաստատվել է տարբեր ոլորտներում համագործակցությունն էլ ավելի ամրապնդելու տրամադրվածությունը։