Ոսկեպար-Նոյեմբերյան ավտոճանապարհը քարաթափման պատճառով փակ է լինելու

Այսօր՝ փետրվարի 3-ին՝ ժամը 10։00-ից մինչև 11։00, Մ-16 (Մ-4)-Ոսկեպար-Նոյեմբերյան-(Մ-6) միջպետական ավտոճանապարհի 40-րդ կիլոմետրին (մուտք Նոյեմբերյան) «Լևոն Երկրորդ» ՍՊԸ-ի կողմից իրականացվելու են քարաթափման աշխատանքներ, ինչի պատճառով ավտոճանապարհը փակ է լինելու։ Այս մասին  տեղեկացնում է «Ճանապարհային դեպարտամենտ» հիմնադրամը:

«Պատճառված անհանգստության համար հայցում ենք երթևեկության մասնակիցների ներողամտությունը»,- ասված է հաղորդագրության մեջ: