Ծնկած վիճակից պիտի դուրս գանք, հզորացնենք մեր բանակն ու ազատագրենք Շուշին (տեսանյութ)
Արմինե Սիմոնյանի «Մենք» հեղինակային հաղորդաշարի հյուրերն են` պահեստազորի սպա, ԼՂՀ «Մարտական խաչ» 2-րդ աստիճանի շքանշանակիր Արթուր Սարգսյանը և պատմաբան, Շուշիի պատմության թանգարանի վարիչ Աշոտ Հարությունյանը:
1992 թ. հունվարի 28-ին պատմական որոշում ընդունվեց՝ «Հայաստանի Հանրապետության պաշտպանության վերաբերյալ» և այդ օրն էլ հայտարարվեց Հայկական Ազգային Բանակի օր: Այս տարի մեր բանակի 30-րդ` հոբելյանական տարեդարձն է:
Մենք միշտ հպարտացել ենք Արցախն ազատագրած մեր հաղթանակած բանակով, բանակ, որը 30 տարի շարունակ եղել է ամենամարտունակը տարածաշրջանում և մեր խաղաղության ու անվտանգության երաշխավորը:
Շնորհիվ Հայոց բանակի ու հայ զինվորի` 30 տարի ունեինք արժանապատիվ խաղաղություն, որովհետև իրական խաղաղությունը հաստատվում է միայն Հզոր բանակով:
Սակայն մեր պարտությունը սկսվեց այն ժամանակ, երբ գունավոր հեղափոխության ալիքով իշխանության եկածները սկսեցին թիրախավորել հայկական բանակը` նսեմացնել մեր հաղթանակները սկսվեց Արցախյան ազատամարտի մասնկիցների, մեր հերոս տղաների վարկաբեկման մի անբարո գործընթաց:
Եվ մեր պարտությունը չուշացավ…
Արցախի 78 տոկոսը, Հայաստանից` 42 քառակուսի կիլոմետր տարածք այսօր թշնամու վերահսկողության տակ է,
Մենք կորցրել ենք մեր արժանապատիվ խաղաղությունը ու թշնամուն խաղաղություն պարտադրողից վերածվել խաղաղություն մուրացող երկրի: Եվ սա կշարունակվի այնքան ժամանակ, քանի դեռ հանդուրժում ենք ներքին թշնամուն ու նրա ձեռքով իրականացվող Հայոց բանակի կազմաքանդումը:
Ծնկած վիճակից դուրս գալու ելքը մեկն է` այս իշխանությունը պե՛տք է հեռանա, և մենք ազգային միասնությամբ, համախմբվածությամբ կարողանանք շտկել մեր մեջքը, կանգնեցնել մեր պետության անկումը և վերականգնել մեր հզոր հայկական բանակը:
Հարցազրույցը դիտեք տեսանյութում։