ՌԴ խաղաղապահները մարդասիրական ակցիա են անցկացրել Մարտակերտից վերաբնակիչների երեխաների համար
Ռուսական խաղաղապահ զորախմբի զինծառայողները հասարակական կազմակերպությունների բարերարների հետ մարդասիրական ակցիա են անցկացրել Լեռնային Ղարաբաղի Մարտակերտի շրջանից վերաբնակիչների երեխաների համար։ Այս մասին հայտնում է ՌԴ պաշտպանության նախարարությունը։
«Այսօր մարդասիրական ակցիա է անցկացվել Մարտակերտի շրջանի հարկադիր վերաբնակիչների երեխաների համար ռուսական խաղաղապահ զորախմբի հանրային ընդունարանում։ Երեխաներին քաղցրավենիք և 20 խաղալիք են նվիրել, իսկ հաջորդ շաբաթ նախատեսվում է նաև մարդասիրական ակցիաներ անցկացնել Կոճողոտ և Չարեկտար գյուղերում»,- ասել է ռուսական խաղաղապահ զորախմբի ներկայացուցիչ Ալեքսանդր Կուդրինը։
Ստեփանակերտում ռուսական խաղաղապահ զորախմբի հանրային ընդունարանի շենքում ակցիայի ժամանակ ռուս խաղաղապահները բարերարների հետ նվերներ և քաղցրավենիք են նվիրել երեխաներին։
Ռուս խաղաղապահները նոր հումանիտար ակցիան կիրականացնեն մինչև այս տարվա հունվարի վերջ Լեռնային Ղարաբաղի Մարտակերտի շրջանի հեռավոր բնակավայրերում։
Ռուսական խաղաղապահ զորախմբի մարդասիրական արձագանքման կենտրոնի մասնագետները 2022 թվականի առաջին եռամսյակում բարերարների հետ միասին կիրականացնեն ավելի քան 30 մարդասիրական ակցիա անապահով բնակիչների համար Լեռնային Ղարաբաղի քաղաքներում և հեռավոր շրջաններում։
