Ջերմուկի զորամասից ձնաբքի պատճառով անհետացած զինծառայողների գտնվելու վայրը տեղորոշվել է. ՊՆ
Ջերմուկի զորամասից ձնաբքի պատճառով մարտի 21-ին անհետացած պայմանագրային երկու զինծառայողների գտնվելու վայրը տեղորոշվել է։ Այս մասին NEWS.am-ը տեղեկացավ ՀՀ պաշտպանության նախարարությունից։
Նախարարությունից հայտնեցին, որ ներկա պահին իրականացվում է տարհանման աշխատանք:
Զինծառայողների վիճակի մասին դեռեւս ոչինչ հայտնի չէ:
Հիշեցնենք, ո մարտի 21-ին, խիստ ձնաբքի պայմաններում, ՀՀ ԶՈՒ N զորամասի մարտական հենակետից մյուս հենակետ անցնելու ընթացքում կորել է կապը երկու պայմանագրային զինծառայողի հետ։
Երեկվանից մեկնարկած որոնողափրկարարական աշխատանքներին խանգարում էր չդադարող բուքը։
