Ադրբեջանի Մարդու իրավունքների «պաշտպան»-ը սպառնում է ոչնչացնել Հայաստանից Արցախ մեկնող բարձրաստիճան պաշտոնյաներին
Ադրբեջանի Մարդու իրավունքների «պաշտպան» Ահմադ Շահիդովը Թվիթերի իր էջում հետևյալ գրառումն է կատարել․
«Եթե Հայաստանի արտաքին գործերի նախարարը կամ Հայաստանի այլ բարձրաստիճան պաշտոնյաներ կրկին անօրինականորեն այցելեն Ղարաբաղ, Ադրբեջանը կարող է օգտվել իր սուվերեն իրավունքից՝ ոչնչացնել նրանց օդային հարձակման միջոցով»:
Շահիդովի երկրորդ թվիթը՝․
«Փետրվարին Ղարաբաղում կարճաժամկետ ռազմական գործողություններն անխուսափելի կլինեն, քանի որ Հայաստանը չի կատարում նոյեմբերի 10-ի պայմանագրով ստանձնած պարտավորությունները»:
Նշենք, որ առաջին գրառումը Շահիդովն արդեն հեռացրել է։ Երկրորդը՝ ստորև։
Short-term military operations in #Karabakh will be inevitable in February. Because #Armenia is not fulfilling the obligations of the November 10 agreement
— Ahmad Shahidov (@shahidovcom) January 9, 2021
