Ճանապարհին կկանգնի ռուս խաղաղապահը, ճանապարհի վերևի հատվածում իր ծառայությունը կկատարի մեր սահմանապահ զորքը
Երեկ լրացավ Շուռնուխ համայնքում թշնամու կողմից վիճելի որակված 12 տների բնակիչներին տրված վերջնաժամկետը:
168.am-ի հետ զրույցում համայնքի ղեկավար Հակոբ Արշակյանը տեղեկացրեԼ է. «Երեկ վերջինը ես դուրս եկա թաղամասից, այնտեղ մնացին ռուս խաղաղապահները, մեր սահմանապահ տղաները, ու այսօր ժամը 12-ին այդտեղից արդեն իրենք էլ դուրս կգան ու արդեն ճանապարհի վերևի հատվածում կկանգնեն:
Այսինքն՝ ճանապարհին կկանգնի ռուս խաղաղապահը, ճանապարհի վերևի հատվածում իր ծառայությունը կկատարի մեր սահմանապահ զորքը»:
