Իրանը Հայաստանի Կապան քաղաքում գլխավոր հյուպատոսություն կբացի
Իրանի նախագահ Սեյեդ Էբրահիմ Ռայիսիի գլխավորությամբ այսօր կայացած կառավարության նիստում, Սահմանադրության 138-րդ հոդվածի հիմամբ, կառավարությունը համաձայնություն է տվել Հայաստանի Կապան քաղաքում հյուպատոսարան բացելու ԱԳՆ առաջարկին:
Հատկանշական է, որ վերջերս, Ադրբեջանի բանակը, Հայաստանի հետ տարածքային վեճերի պատճառով, փակել էր Գորիս-Կապան ավտոմայրուղին և իրանցի վարորդներից գումար էր գանձում: Խնդիրը լուծվեց Թեհրանի և Բաքվի միջև բանակցությունների արդյունքում:
Ադրբեջանցիները բեռնատարների իրանցի վարորդներից գանձում էին 130 դոլար տուրք՝ պատճառաբանելով, որ Ղարաբաղյան երկրորդ պատերազմից հետո Գորիս Կապան ավտոմայրուղու 21 կմ տարածքն անցել է Բաքվի վերահսկողության տակ:
Իրանի կառավարությունը շատ արագ սահմանեց այլընտրանքային ցամաքային և ծովային ուղիներ, որպեսզի Հայաստան, Վրաստան, ինչպես նաև Ռուսաստան և ԵԱՏՄ տարանցումը շարունակվի բնականոն եղանակով: