Իսրայելը հարվածներ է հասցրել Սիրիայի Լաթաքիայի նավահանգստային շրջանին
Իսրայելը ավիահարված է հասցրել Սիրիայի Լաթաքիա նավահանգստային շրջանին, հայտնում է Սիրիայի պետական հեռարձակման գործակալությունը։ Գրում է «ՌԻԱ Նովոստին»:
«Իսրայելը օդային հարձակում է իրականացնում Լաթաքիա նավահանգստի մատույցներում»,- ասվում է հաղորդագրության մեջ։
Ռազմական աղբյուրի տեղեկացմամբ, մի քանի հրթիռների կիրառմամբ հարձակումն իրականացվել է Միջերկրական ծովից։ Ավիահարվածի արդյունքում մի քանի կոնտեյներ հրդեհվել են։
Իսրայելը պարբերաբար օդից հարվածներ է հասցնում Սիրիայում գտնվող թիրախներին։ Դամասկոսը բազմիցս պահանջել է ՄԱԿ անվտանգության խորհրդից ճնշում գործադրել հրեական պետության վրա՝ դադարեցնելու պետական ինքնիշխանության սիստեմատիկ խախտումը։