Վրաստանի ԱՆ-ն տեսանյութ է հրապարակել. Սաակաշվիլին սնվում է հացադուլ հայտարարելուց հետո
Վրաստանի Արդարադատության նախարարությունը տեսանյութ է հրապարակել, որում երևում է, որ Միխեիլ Սաակաշվիլին սնվում է և հյութ ըմպում հացադուլ հայտարարելուց հետո:
Նշենք, որ Վրաստանի նախկին նախագահը հացադուլ էր հայտարարել հոկտեմբերի 1-ին: Վերջին շրջանում Սաակաշվիլիի փաստաբանները հաճախ էին բողոքում նրա առողջական վատթարացող վիճակից, իսկ Սաակաշվիլիի ընկերուհին էլ՝ Ելիզավետա Յասկոն, հայտնել էր, որ Վրաստանի նախկին նախագահը 20 կիլոգրամ նիհարել է հացադուլի ընթացքում:
Ավելի ուշ Վրաստանի ԱԳ նախարարն էլ իր հերթին լրագրողներին ասել էր, որ Սաակաշվիլին սնվում է շիլաներով և բնական հյութեր խմում:
