Պուտինն ու Լուկաշենկոն ստորագրել են Միութենական պետության հրամանագիր
Ռուսաստանի նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն ստորագրել են Միութենական պետության ինտեգրման հրամանագիրը։ Այս մասին հայտնի է դարձել Միութենական պետության Գերագույն պետական խորհրդի նիստում։ Գրում է tvzvezda.ru-ն:
«Ես տեսնում եմ ձեր (Պուտինի) ստորագրությունը հրամանագրի տակ, ինչպես նաև Գերագույն պետական խորհրդի բոլոր անդամների ստորագրությունը, եթե դեմ չեք, ես կստորագրեմ հրամանագիրը… Մեր երեք տարվա մեծ աշխատանքը ստացվել է, և մենք դա պաշտոնականացրել ենք, ինչպես ավելի վաղ պայմանավորվել էինք Ռուսաստանի հետ՝ Գերագույն պետական խորհրդում»,- ասել է Լուկաշենկոն Պետխորհրդի առցանց նիստում։
Հրամանագրով հաստատվում են 28 միութենական ծրագրեր, որոնք հաստատվել են սեպտեմբերին, ինչպես նաև 2021-2023 թվականների Միութենական պետության ստեղծման մասին պայմանագրի դրույթների հիմնական ուղղությունները։
Ավելի վաղ Պուտինը խոսել էր Ռուսաստանի և Բելառուսի համագործակցության հեռանկարների մասին։