«Հպարտ քաղաքացիները» պարտավոր են իմանալ, թե ինչ ապագա է սպասում իրենց
ՀՀ ԱԺ 7-րդ գումարման պատգամավոր Արման Աբովյանը ֆեյսբուքյան իր էջում գրում է ․
«Ես կփորձեմ միանգամայն կոռեկտ և հստակ մի քանի հարց ուղղել կառավարությանը, չնայած, որ դժվար է ինքս ինձ զսպելը, երբ երկիրը քո աչքի առաջ տանում են դեպի կործանում:
Եվ այսպիսով, ներկայիս կառավարությունը հայտարարեց, որ, իբր, տարածաշրջանում բացում է «խաղաղության դարաշրջան» և պատրաստ է կարգավորել հարաբերությունները Թուրքիայի և Ադրբեջանի հետ:
Քանի որ այս խոսքերի հետևում թաքնված են ՀՀ֊ն իշխանությունների կոնկրետ գործողություններ, ես խնդրում եմ իշխանություններին պատասխանել մի քանի հարցերի:
- ՀՀ կառավարությունն վերջնական ընդունու՞մ է 44-օրյա պատերազմի արդյունքները:
- Արդյո՞ք ՀՀ իշխանությունները կարծում են, որ Արցախի տարածքները, որոնք գտնվում են ադրբեջանական օկուպացիայի տակ, պետք է ազատագրվեն:
- Արդյո՞ք ՀՀ իշխանությունները համարում են, որ Արցախի խաղաղ գյուղերի և քաղաքների թուրք-ադրբեջանական ռմբակոծությունները մարդկության դեմ հանցագործություն են:
- Արդյո՞ք ՀՀ կառավարությունը համարում է, որ Ադրբեջանի կառավարության կողմից Արցախի խաղաղ բնակիչների սպանությունը հանցագործություն է մարդկության դեմ:
- Արդյո՞ք փաշինյանական իշխանությունները համարում են Ալիևի ռեժիմի կողմից հայ ռազմագերիների սպանությունը և հայ ռազմագերիների բռնի պահումը հանցագործություն մարդկության դեմ:
- Արդյո՞ք ՀՀ իշխանությունները կարծում են, որ Արցախի օկուպացիային թուրքական և պակիստանյան ուժերի մասնակցությունը պետք է արժանանա միջազգային իրավական գնահատականի:
- Արդյո՞ք փաշինյանական իշխանությունները համարում են, որ Իլհամ Ալիևը և Ռեջեփ Էրդողանը, ովքեր տվել են հայերին բնաջնջելու և Արցախի և Հայաստանի սահմանամերձ տարածքների 75 տոկոսը գրավելու հրամանագիրը, միջազգային հանցագործներ են:
- Փաշինյանական կառավարությունը պատրա՞ստ է Իլհամ Ալիևին և Ռեջեփ Էրդողանին քրեական պատասխանատվության ենթարկել հայ ժողովրդի դեմ կատարված հանցագործությունների համար:
- ՀՀ իշխանությունները կհամաձայնե՞ն Ադրբեջանին միջանցք կամ ճանապարհ տրամադրել դեպի Նախիջևան՝ ադրբեջանական զորքերի կողմից օկուպացված Արցախի տարածքներով:
- Փաշինյանական կառավարությունը նախատեսո՞ւմ է Ադրբեջանին հանձնել հայկական բնակավայրերը (օրինակ՝ Տիգրանաշենը) կամ միջպետական ճանապարհները վերահսկող բարձունքները, եթե այո, ապա կոնկրետ որո՞նք:
…
- Արդյո՞ք Թուրքիայի հետ բանակցություններ են ընթանում, այսպես կոչված, հարաբերությունների կարգավորման շուրջ:
- Փաշինյանական իշխանությունները նախատեսո՞ւմ են թուրքերի հետ համատեղ հանձնաժողով ստեղծել ՝ հարաբերությունների կարգավորմանն ուղղված գործողությունների «ճանապարհային քարտեզ» մշակելու համար:
- Արդյո՞ք ՀՀ կառավարությունը կհամաձայնվի պատմաբանների որոշակի համատեղ հանձնաժողով ստեղծելու թուրքական կողմի առաջարկին (թուրքերն այս հանձնաժողովին անվանում են «պատմաբանների հանձնաժողով ՝ Օսմանյան կայսրությունում 1915 թվականի իրադարձություններն ուսումնասիրելու համար):
Խնդրում եմ պատասխանել այս բոլոր հարցերին:
«Հպարտ քաղաքացիները» պարտավոր են իմանալ, թե ինչ ապագա է սպասում իրենց»:
