Հայաստանը տանում են ինքնաոչնչացման (տեսանյութ)
Արմինե Սիմոնյանի «Մենք» հեղինակային հաղորդման հյուրը Ազգային ժողովի նախկին պատգամավոր Արման Աբովյանն է:
Երկրորդ օրն է՝ խորհրդարանում քննարկվում է ՀՀ կառավորության 2021-2026 թթ. ծրագիրը։ Իշխանական պատգամավորների ելույթներում առկա է հետևյալ մտածողությունը․
- Արցախի կորստի հարցում իրենք մեղավոր չեն, դա եղել է իրենցից անկախ հանգամանքներով պայմանավորված,
- չնայած Արցախը կորցրել ենք, բայց, դե ոչինչ, հիմա լավ հնարավորություն է ստեղծվել համագործակցել Ադրբեջանի ու Թուրքիայի հետ, որովհետև խանգարող բան չկա: Իսկ եթե խանգարող ինչ -որ հարցեր էլ կան՝ կարելի է գնալ զիջումների,
- Հայաստանը պետք է բացի սահմանները, Հայաստանը պետք է նպաստի տարածաշրջանային խաղաղությանը՝ ի հաշիվ Հայաստանի, տարածքներ տալով Ադրբեջանին:
Ինչ վերաբերում է Արցախին, Փաշինյանի իշխանությունն ամբողջությամբ ձեռքերը լվացել է Արցախից, և փաստորեն, ասում են՝ Արցախով թող զբաղվեն ռուսներն ու Մինսկի խմբի համանախագահները,
Հայաստանի սահմանները պահելու հարցն էլ թողնել են ռուսներին, հանգեցնելով նրան, որ մեզ ուժեղ հզոր բանակ պետք չէ, ասել է թե՝ սրանց հռչակած ապագայում չկա ուժեղ, հզոր Հայաստան…
Հարցազրույցը դիտեք տեսանյութում։
