Ազգային ժողովում լրագրողների աշխատանքի խոչընդոտներն անօրինական են․ Շուշան Դոյդոյան
Ինֆորմացիայի ազատության կենտրոն ՀԿ նախագահ Շուշան Դոյդոյանը, անդրադառնալով ԱԺ-ում լրագրողների տեղաշարժի սահմանափակումներին, գրել է.
«Ազգային ժողովում արդեն կոշտ սահմանափակում են լրագրողների աշխատանքը, իսկ սահմանափակումների կիրառման իրավական նորմերը դեռ չկան, նոր են մշակվում։ Ստացվում է՝ լրագրողների աշխատանքի խոչընդոտներն անօրինական են կիրառվել Ազգային ժողովում անցած նիստին։ Սա տեղեկատվության ազատության կոպիտ ոտնահարում է։
Առանձնացված տեղ՝ այնպես են այս նախագծում շեշտում, կարծես ցանկություն ունեն լրագրողներին անկյուն կանգնեցնել։ Եվ միայն նրա համար, որ իրենց հանկարծ անցանկալի հարցեր չկարողանան տալ»։
