Քվեաթերթիկների հաշվարկն ավարտվեց. ով որքան ձայն է ստացել
Ժամը 08.25 դրությամբ ԿԸՀ-ն ավարտել է արտահերթ խորհրդարանական ընտրությունների քվեաթերթիկների հաշվարկը: Հաշվարկվել են բոլոր 2008 ընտրական տեղամասերի արդյունքները:
Ձայները բաշխվել են հետևյալ կերպ.
- «Քաղաքացիական պայմանագիր»-53,92% (687251 ձայն),
- «Հայաստան» դաշինք – 21,04% (268165),
- «Պատիվ ունեմ» դաշինք – 5,23% (66633),
- «Բարգավաճ Հայաստան» – 3,96% (50416),
- «Հանրապետություն» – 3,04% (38713),
- «Հայ ազգային կոնգրես» – 1,54% (19647),
- «Շիրինյան- Բաբաջանյան ժողովրդավարների դաշինք»- 1,5% (19142),
- «Ազգային ժողովրդական բեւեռ»- 1,47% (18767),
- «Լուսավոր Հայաստան» – 1,22% (15557),
- «5165» ազգային պահպանողական շարժում- 1,22% (15534),
- «Ազատական» – 1,17% (14923)
Մնացած 14 ուժերը հավաքել են շատ ավելի քիչ ձայներ:
Հատկանշական է, որ իշխող ուժը առավել վատ ցուցանիշ է արձանագրել Երևանում: Մայրաքաղաքում Նիկոլ Փաշինյանի գլխավորած կուսակցությունը ստացել է ընդամենը 41 տոկոս ձայն: Խորհրդարանում մեծամասնություն կազմելու հնարավորություն կուսակցությունը ստացել է մարզերի հաշվին: