ՔՊ-ը փոխել է հանրահավաքի օրը
«Մենք քննարկել և որոշել ենք, որ «Քաղաքացիական պայմանագիր» կուսակցությունը համապետական հանրահավաքը և երթը անելու է հունիսի 17-ին ժամը 20։00-ին Հանրապետության հրապարակում»,-Սիսիանում բնակիչների հետ հանդիպման ժամանակ ասաց Նիկոլ Փաշինյանը։
Նա նշեց, որ նման որոշում են կայացրել, քանի որ դատական տարբեր որոշումներով Հանրապետության հրապարակի հետ կապված իրադրություն կա։
Հիշեցնենք, որ հունիսի 18-ին Հանրապետության հրապարակում տեղի է ունենալու «Հայաստան» դաշինքի ամփոփիչ հանրահավաք։ «Քաղաքացիական պայմանագիր» կուսակցության հանրահավաք նույնպես նախատեսված էր նույն վայրում նույն օրը։
