ԱԳ նախկին նախարարի հայտարարության տեսագրությունն ուղարկվել է ԱԱԾ
Գլխավոր դատախազությունն արդեն ԱԳ նախկին նախարար Արա Այվազյանի հայտարարության տեսագրությունն ուղարկել է Ազգային անվտանգության ծառայություն։
Այս մասին հայտնեցին Գլխավոր դատախազության լրատվական ծառայությունից՝ մանրամասնելով, որ այն ուղարկվել է ԱԱԾ դրանում՝ ներկայացված հանգամանքները ստուգելու և ընթացքը լուծելու նպատակով։
Հիշեցնենք, որ մայիսի 31-ին ԱԳ նախարարի պաշտոնակատար Արա Այվազյանը հրաժեշտի հանդիպում էր ունեցել ԱԳՆ անձնակազմի հետ ու մասնավորապես նշել.
«Ես շատ դժվարությամբ եմ այս որոշումն ընդունել, բայց երբ ստանձնել եմ այս պաշտոնը, ինձ համար եղել է մի չափանիշ. այս նախարարությունը, որ ծնունդն է անկախության, պետք է անշեղորեն պաշտպանի մեր ինքնիշխանությունը, մեր անկախությունը, մեր պետական, ազգային շահերը։ Հուսով եմ, որ ձեզ ամոթով չեմ թողել, և իմ հրաժարականի որոշումը պայմանավորված էր հենց այդ պատճառով, որպեսզի երբևիցե որևէ կասկած չլինի, որ այս նախարարությունը կարող է ինչ-որ քայլ անել կամ համաձայնություն տալ ինչ-որ գաղափարների, նախաձեռնությունների, որոնք մեր պետականության, մեր ազգային և պետական շահի դեմ են եղել»:
