500-600 ադրբեջանցի զինվոր գտնվում է ՀՀ տարածքում
Կառավարության այսօրվա նիստում Նիկոլ Փաշինյանը հայտնեց, որ հայ-ադբրեջանական սահմանի Գեղարքունիքի և Սյունիքի հատվածում օպերատիվ իրավիճակը փոփոխություն չի կրել և շարունակում է մնալ լարված, քանի որ դեռևս 500-600 ադրբեջանցի զինվոր գտնվում է ՀՀ տարածքում:
Նրա խոսքով՝ ՀՀ զինված ուժերի գործողությունների տրամաբանություն այն է, որ մարտավարական քայլերով սահմանափակի ադրբեջանցիների գործողությունները, իսկ քաղաքական առումով՝ թույլ չտա, որ իրավիճակը դուրս գա վերահսկողությունից:
Փաշինյանը հավաստիացրեց, որ «ահռելի» դիվանագիտական աշխատանք է տարվում, որի վկայությունն այն է, որ կառավարության նիստում ԱԳ նախարարի աթոռը այդ պահին թափուր է:
Անդրադառնալով Վատիկանում ՀՀ նախկին դեսպան Միքայել Մինասյանի հրապարակած փաստաթղթին՝ Փաշինյանը հայտարարեց, որ ստորագրելու է այդ փաստաթուղթը:
