Ռուսաստանը հակամարտության կողմերից պահանջել է պահպանել հրադադարի ռեժիմը Ղարաբաղում
Լեռնային Ղարաբաղի Հադրութի շրջանում ավտոմատ զենքից բացված կրակի միջադեպից հետո հակամարտության կողմերին է հասցվել լիակատար հրադադարի ռեժիմի պահպանման պահանջը: РИА Новости-ի փոխանցմամբ՝ այս մասին լրագրողներին հայտնել է ռուսական խաղաղապահ ուժերի շտաբի ներկայացուցիչը:
«Հադրութի շրջանում ավտոմատ զենքից արձակված կրակահերթ է արձանագրվել: Կապի ուղիղ ալիքներով օպերատիվ կերպով կողմերին է հասցվել լիակատար հրադադարի ռեժիմի պահպանման մասին պահանջը»,- ասել է վերջինս:
Հիշեցնենք, որ ՀՀ ՊՆ հաղորդմամբ՝ դեկտեմբերի 12-ին ադրբեջանական կողմը վերսկսել է հարձակողական գործողությունները Արցախի Հանրապետության Հին Թաղլար և Խծաբերդ բնակավայրերի ուղղությամբ: ՌԴ ՊՆ-ն, իր հերթին, հաստատել է հրադադարի ռեժիմի խախտման դեպքի արձանագրումը:
