Տվեք ինձ հազար երեխա առանց ծնողի ամենօրյա մասնակցության անվճար կրթելու հնարավորություններ, և ես ձեզ 15 տարի հետո կտամ հայրենանվեր ու ազնվական նախագահի, վարչապետի, նախարարների և ցանկացած պահանջված մասնագետի ՏԱՍՆՅԱԿ թեկնածու․ Կարին Տոնոյան
Արցախի գոյամարտում անմահացած Մենուա Հովհաննիսյանի մայրը՝ Կարին Տոնոյանը ֆեյսբուքյան էջում գրում է․
«ՀԱՅԱՍՏԱՆԻ ԱՊԱԳԱՆ
Երբ Ալեքսանդր Մակեդոնացին հասավ Պարսկաստան, նրան ամենաշատը զարմացրեց ու հիացրեց մի փաստ՝ պարսիկներն իրենց երեխաներին անձամբ դաստիարակելու իրավունք չունեին, նրանք ամեն օր առավոտյան պետք է երեխաներին ուղեկցեին մեծ հրապարակներ, որտեղ ՈՒՍՈՒՑԻՉՆԵՐԸ՝ ծեր իմաստունների հսկողության տակ կրթում ու դաստիարակում էին նրանց:
ՊԱՏԱՍԽԱՆԱՏՈՒ ՀԱՅՏԱՐԱՐՈՒՄ ԵՄ ՀԱՄԱՅՆ ՀԱՅՈՒԹՅԱՆԸ-
Տվեք ինձ հազար երեխա առանց ծնողի ամենօրյա մասնակցության(թող տեսնեն միայն շաբաթը մեկ-երկու անգամ) անվճար կրթելու հնարավորություններ՝ բարձր աշխատավարձով ուսուցիչներ, ժամանակակից կրթական սարքավորումներ ու լաբարատորիաներ և մի քանի հեկտար հող՝ մշակելու համար, և ես ձեզ 15 տարի հետո կտամ հայրենանվեր ու ազնվական նախագահի, վարչապետի, նախարարների և ցանկացած պահանջված մասնագետի ՏԱՍՆՅԱԿ թեկնածու:
Գաղափարախոսությունն ունենք»:
Հիշեցնենք, որ Կարին Տոնոյանի որդին՝ Մենուա Հովհաննիսյանը հետմահու արժանացել է Արցախի հերոս բարձրագույն կոչման:
