Վերջին 1 օրում ՌԴ ռազմատրանսպորտային ավիացիայի ինքնաթիռները ևս 20 թռիչք են կատարել դեպի Հայաստան
ՌԴ ռազմատրանսպորտային ավիացիայի ինքնաթիռները վերջին 1 օրում Ուլյանովսկ-Վոստոչնի օդանավակայանից Իլ-76 և Ան-124 «Ռուսլան» ինքնաթիռներով 20 թռիչք են իրականացրել, ԼՂ է տեղափոխվել 15-րդ խաղաղապահ բրիգադի ստորաբաժանումը: Հայաստան է բերվել ավելի քան 30 միավոր տարբեր տեխնիկա: Այս մասին հայտնում է ՌԴ ՊՆ-ը:
«Հայաստան է բերվել ավելի քան 30 միավոր ավտոմեքենա և հատուկ տեխնիկա՝ զրահամեքենաներ, բարձր անցանելիության բեռնատար մեքենաներ, ինչպես նաև նյութատեխնիկական ապահովման և այլ տեխնիկա»,-նշվում է հաղորդագրությունում:
Ըստ ՌԴ ՊՆ-ի՝ Ռուսաստանի դիտակետերը տեղակայվել են ԼՂ շփման գծի և Հայաստանն ու Լեռնային Ղարաբաղը կապող Լաչինի միջանցքի երկայնքով: Խաղաղապահ օպերացիայի հրամանատարությունը տեղակայվել է Ստեփանակերտում:
