«Ես չգիտեի, որ պետք է կռվեմ». Բի-Բի-Սի- ն Արցախում գտել է Սիրիայից եկած վարձկանի
Մինչև Ղարաբաղում պատերազմ սկսելը, Թուրքիայի կողմից վերահսկվող սիրիական տարածքներից մի քանի հարյուր վարձկաններ ուղարկվել են Ադրբեջան, և նրանք արդեն կրել են մարտական կորուստներ: Այս մասին Բի-Բի-Սի-ի արաբական ծառայությանն ասաց նրանցից մեկը: Բի-Բի-Սի-ին դեռ չի հաջողվել ճշտել նրա պնդումները:
Սիրիացի Աբդուլլահը (անունը փոխվել է նրա խնդրանքով) Բի-Բի-Սի-ին պատմել է, որ 17-30 տարեկան մի քանի հարյուր տղամարդ, որոնք Թուրքիայի կողմից վերահսկվող անկլավների բնակիչներն են և Սիրիայի հյուսիսում հակաասադական ուժեր, հավաքագրվել են «Թուրքիայի զինված ուժերի և Սիրիայի ազգային բանակի իմացությամբ»: «Անցած չորեքշաբթի՝ մարտերի մեկնարկից չորս օր առաջ, նրանք օդային ճանապարհով տեղափոխվել են Ադրբեջան և տեղակայվել են հայերի հետ դիմակայության գծի մոտ:
«Անցած շաբաթ Սիրիայի ազգային բանակի Համզայի ստորաբաժանման հրամանատար Սաիֆ Աբու Բաքրն առաջարկեց մեզ գնալ Ադրբեջան՝ սահմանին գտնվող ռազմական դիրքերը պահելու համար ամսական մինչև 2000 ԱՄՆ դոլար աշխատավարձով», – ասել է Աբդուլլահը Բի-Բի-Սի-ի հետ մեսենջերային նամակագրությամբ:
«Ես չգիտեի, որ պետք է կռվեմ»,- միաժամանակ վստահեցնում է Բի-Բի-Սի-ի զրուցակիցը:
Նրա խոսքով՝ սեպտեմբերի 27-ին, ինքը և իր ընկերները տեղափոխվել են առաջնագիծ, որտեղ նրանք կրակի տակ են ընկել և կորուստներ կրել. չորս սիրիացի սպանվել է: Հենակետում, որտեղ նրանք տեղակայված են, Աբդուլլահը տեսել է տասը հայրենակցի մարմիններ և մոտ յոթանասուն վիրավորներ:
Միևնույն ժամանակ, BBC- ի զրուցակիցը հավաստիացնում է, որ Ադրբեջանում նորակոչիկների մեծամասնությունը ոչ թե Ասադի դեմ մարտերում կարծրացած մարտիկներ են, այլ խաղաղ, անպատրաստ քաղաքացիներ, և առաջին կորուստներից հետո նրանք խնդրել են տուն գնալ, բայց նրանց ազատ չեն արձակում՝ սպառնալով բանտարկել:
