Սերգեյ Ներսեսյանը նշանակվեց Երևանի փոխքաղաքապետ
Այսօր Երևանի ավագանու 5-րդ նստաշրջանի առաջին նիստն է հրավիրվել: Օրակարգի նախագծում ընդգրկված է 17 հարց: Ներկայացված որոշման նախագծով առաջարկվում էր Սերգեյ Ներսեսյանին նշանակել Երևանի քաղաքապետի տեղակալ:
Սերգեյ Ներսեսյանը նշանակվեց Երևանի փոխքաղաքապետ, նա ներկայացրեց իր կենսագրությունն ու պատասխանեց ավագանու անդամների հարցերին:
Նշենք, որ նա եղել է ԱԺ պատգամավոր Երջանիկ Հակոբյանի օգնականը։ Ներսեսյանը 29 տարեկան է, մասնագիտությամբ ֆինանսիստ, և փոխարինելու է նախկին փոխքաղաքապետ Հայկ Սարգսյանին, որը ղեկավարում էր քաղաքապետարանի ֆինանսական բլոկը։
