Ինչպես «Ջումանջի» -ում. կանադացի զույգը իրենց տանը հայտնաբերել է խորհրդավոր սնդուկ
Կանադացի զույգը հայտնաբերել է «սնդուկ՝ Ջումանջիի գանձերով»: Անսովոր գտածոն նրանց սպասում էր տանը, որը զույգը վերջերս էր տեղափոխվել:
Վերանորոգման ընթացքում Քայլին և Անտոնիոն Պապալինան սանդուղքների տակ նկատել են թաքստոց: Այնտեղ էլ նրանք հայտնաբերել են փայտե սնդուկը:
«Անտոնիոն ասաց, որ դա նման է Ջումանջիի գանձերը գտնելուն», – նշել է կինը Global News- ին տված հարցազրույցում:
Ամուսինը ավելացրել է, որ իրադրությունն իսկապես «Ջումանջի» ֆիլմի նման էր:
Սունդուկի մեջ կային լուսանկարներ, փաստաթղթեր, ինչպես նաև Առաջին և Երկրորդ համաշխարհային պատերազմների մեդալներ և երկու անձանց`Թոմաս Մակիին և Լոուրենս Թոմաս Մակիին պատկանող այլ իրեր: Հիմնականում այդ փաստաթղթերը պատկանում էին Լոուրենսին: Փաստաթղթերից զույգը իմացել է, որ նա ծնվել է Վանկուվեր քաղաքում և ծառայել է Երկրորդ աշխարհամարտում Կանադական պարաշյուտի 1-ին գումարտակում:
Ըստ զույգի՝ նրանք արդեն զրուցել են հարևանների հետ, բայց դեռևս չեն կարողացել որևէ բան իմանալ այդ մարդկանց մասին: Զույգը չի կարողացել նաև կապ հաստատել տան նախկին տերերի հետ, բայց նրանք չեն կորցնում գտած իրերը տղամարդկանց հարազատներին վերադարձնելու հույսը, քանի որ դրանք «ընտանիքի պատմության մաս են»:
