Ռուսաստանը կրճատել է քաղաքացիություն ստանալու համար դիմումները քննարկելու ժամկետը
Ուժի մեջ է մտել Ռուսաստանի քաղաքացիություն ստանալու համար դիմումները քննարկելու ժամկետը վեցից երեք ամիս կրճատելու մասին դաշնային օրենքը:
Գարնանը օրինագիծը հաստատել էին Պետդումայն և Դաշնության խորհուրդը, որից հետո փաստաթուղթը ստորագրվել է նախագահ Վլադիմիր Պուտինի կողմից և հրապարակվել է իրավական տեղեկատվության պորտալում:
«Ռուսաստանի Դաշնության քաղաքացիություն ստանալու գործընթացը կատարելագործելու նպատակով պարզեցված կարգով օրենքի նախագիծը սահմանում է միասնական ժամկետ՝ Ռուսաստանի Դաշնության քաղաքացիություն ստանալու համար դիմումները պարզեցված կարգով քննարկելու համար, որը ներկայացվել է Ռուսաստանի Դաշնության տարածքում՝ մինչև երեք ամիս», – ասվում է օրենքի բացատրության մեջ:
Նշվում է, որ օրենքի ընդունումը կբարելավի Ռուսաստանի քաղաքացիության ինստիտուտը, ինչպես նաև կնվազեցնի գոյություն ունեցող վարչական խոչընդոտները երկրում օրինականորեն բնակվող անձանց կողմից քաղաքացիություն ձեռք բերելու հարցում:
Եթե անհրաժեշտ է պարզել փաստերը, որոնք վկայում են դիմումները մերժելու հիմքերի առկայության մասին, ժամկետը կարող է երկարաձգվել, բայց ոչ ավելի, քան երեք ամիս:
