Հերթական հիասթափությունը մեծն հիասթափեցնողից

Լայվի հույսին մնացած մեծ հիասթափեցնողը շարունակում է իր քարոզչությունը՝ մեր հասարակությանը մանիպուլացնելու, սուտ ու կեղծիք տարածելու, մարդկանց իրական հոգսերից, լրջորեն մտածելու և հետեւություններ անելու հնարավորություններից հեռացնելու նպատակով։ Լսեցի, այո, զինվեցի համբերությամբ և լսեցի 33 րոպեանոց երեկվա հերթական լայվը։ Ցավալի, շատ ցավալի է այն երկրի վիճակը, որն ունի Նիկոլ Փաշինյանի նման վարչապետ։ Այսօր ևս, վիրուսի այս հաղթարշավի շրջանում անգամ, հետևողականորեն, քայլ առ քայլ պառակտում է երկիրը, աղավաղում մարդկանց հոգիները և անգամ չի զլանում մատը մտցնել Սփյուռքի կառույցներ, հոգևոր դաշտ, եկեղեցի, հավատ, ամենասուրբ և ամեն կարևոր մեր ժողովրդի ամրոցներից ներս։ Այս մարդը սեպը շարունակում է խրել հասարակությունից ներս, նախկինների և ներկաների, սևերի ու սպիտակների, հեղափոխականների և հակահեղափոխականների այս ջրբաժանը, որ ինքը ստեղծել է արհեստականորեն, միտում ունի խորացնելու։ Իմ տպավորությամբ, Նիկոլը քաղաքացիական պատերազմ է հրահրում և արդեն պատրաստ է ձեռքերը շփել այդ կրակի վրա, և իր գլխին դնել պսակը․․․Այո, նա պատրաստ է և գնում է վա-բանկ, նա ինքնակամ չի հեռանալու, չհավատաք, բայց հեռանալուց առաջ նա փորձելու է ամեն ինչ ջնջել, հողին հավասարեցնել, ոչնչացնել ու կործանել․․․։

Նա իրեն, կարծես, ներշնչել է, թե ինքը Հերոստրատն է, ով պատրաստ է այրել Արտեմիսի տաճարը, միայն մեկ նպատակով՝ որ մնա պատմության մեջ․․․․

Հ․Գ․ Բայց թող հույս չունենա, մենք ավերածության ենթարկելու հայրենիք չունենք․․

Մարգարիտ Եսայանի ֆեյսբուքյան էջից