Հայտնի է, թե Ռուսաստանը երբ և որ երկրների հետ կվերականգնի միջազգային ավիահաղորդակցությունը
ՌԴ վարչապետ Միխայիլ Միշուստինը հայտարարել է, որ Ռուսաստանն օգոստոսի 1-ից կվերականգնի միջազգային ավիահաղորդակցությունը, գրում է «ՌԻԱ Նովոստի» գործակալությունը:
«Մենք առաջնորդվել ենք համաճարակաբանական իրավիճակով, կորոնավիրուսային հիվանդացության մակարդակով և փոխադարձության սկզբունքներով»,-հստակեցրել է ՌԴ վարչապետը:
Թռիչքներ են տեղի ունենալու Մոսկվայից, Մոսկվայի մարզից, Սանկտ Պետերբուրգից և Դոնի Ռոստովից:
ՌԴ փոխվարչապետ Տատյանա Գոլիկովան հստակեցրել է, որ ավիաթռիչքները վերսկսվում են դեռևս 3 երկրի` Մեծ Բրիտանիայի, Թուրքիայի և Տանզանիայի հետ, իսկ ցուցակը գնալով կընդլայնվի:
Ռուսաստանը մարտին կորոնավիրուսի համավարակի պատճառով փակել էր սահմանները:
