Ամեն օր աղոթում եմ Ռուսաստանի համար. Պուտին
Ռուսաստանի նախագահ Վլադիմիր Պուտինը ռեժիսոր Էմիր Կուստուրիցային տված հարցազրույցում պատմել է, որ ամեն օր աղոթում է Ռուսաստանի և նրա ժողովրդի համար։ Այս մասին հաղորդում է «ՌԻԱ Նովոստին»:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ Պուտինը խորը հարցազրույց է տվել Կուստուրիցային՝ պատրիարք Կիրիլի և հավատքի մասին, որը նվիրված է Հովվապետի 80-ամյակի առթիվ նկարահանված ֆիլմին:
«Այն, ինչ ես հստակ գիտեմ, դա այն է, որ ես ամեն օր աղոթում եմ թե Ռուսաստանի, թե մեր մարդկանց համար», – պատմել է Պուտինը ֆիլմի համար տված հարցազրույցում:
Նա նաև նշել է, որ Ռուս ուղղափառ եկեղեցին բացառիկ դեր է խաղացել ինչպես ռուս ազգի, այնպես էլ ռուսական պետականության կայացման գործում:
«Պահպանել մարդուն և նրա հոգևոր աշխարհը. սա է եկեղեցու հետ համատեղ աշխատանքի գլխավոր ուղղությունը»,- ընդգծել է Պուտինը:
Նախագահի հարցազրույցից հատվածներ են ցուցադրվել «Առաջին ալիքի» եթերում: «Մեր մկրտությունը. Հովվապետը» ֆիլմը եթեր կհեռարձակվի ուրբաթ օրը:

