Ավտոբուսում միջադեպին ներկա ուղևորը հաստատել է աղջնակի բոլոր խոսքերը

Երևանի ավագանու անդամ Քրիստինե Վարդանյանն անդրադարձել է նախօրեին 13-ամյա աղջնակին ավտոբուսից դուրս հանելու դեպքին․

«Վերադառնանք նախօրեին 

13-տարեկան երեխայի հետ տեղի ունեցած դեպքին։ 

Ես գտա ուղևորին, որը 38 համարի ավտոբուսում ներկա էր միջադեպին։ Նա հաստատեց ձագուկի բոլոր խոսքերը։ Նամակագրության հանրայնացումն իր հետ համաձայնեցրել եմ և շնորհակալ եմ չլռելու համար։

Ինչի է արժանի պետական կառույցի տարածած պարզաբանումը, թողնում եմ ձեզ… Գեղամ Ասատրյան կարդում էի «Երևան ավտոբուս»-ի պաշտոնական արձագանքը և զարմանում ԵՐԵԽԱՅԱԿԵՆՏՐՈՆ ՀԱՅԵՐԻ պարզաբանումից։ 

Հիմա ի՞նչ եք տարածելու, երբ դեպքի ականատեսը պարզ գրել է ամենը, միգուցե արժեր ա՞յլ մոտեցում ցուցաբերել։

Երևանի քաղաքապետարան / Yerevan Municipality ՀՀ ներքին գործերի նախարարություն – Ministry of Internal Affairs of Armenia ՀՀ Մարդու իրավունքների պաշտպան – Human Rights Defender of Armenia

Խնդրում եմ այս գործը վերցնել հսկողության տակ, գրառումս ընդունել որպես հաղորդագրություն, տեսուչի աշխատանքի իրավաչափությունը պարզել, նրա հետագա աշխատելու հարցը և պաշտպանել ՀՀ փոքրիկ քաղաքացու շահը, ով ապրելու է ԱՎԵԼԻ ԼԱՎ ՀԱՅԱՍՏԱՆՈՒՄ, առավել ևս, որ մեր երկիրը նրան օրենքի ուժով պաշտպանում է»։