Ապօրինություն է տեղի ունենում մայր բուհում. «Փաստ»
«Փաստ» օրաթերթը գրում է, որ ԵՊՀ-ում սեպտեմբերի 11-ին կայանալիք ռեկտորի ընտրություններին ընդառաջ արձանագրվել են խախտումներ։ «ՀայաՔվե»-ի անդամ, ԵՊՀ նախկին դասախոս Մենուա Սողոմոնյանը պնդում է, թե ապօրինություն է կատարվում, իսկ դրա գլխին կանգնած է Հոգաբարձուների խորհուրդը՝ Սուրեն Պապիկյանի ղեկավարությամբ։
Նրա խոսքով՝ օգոստոսի 13-ին հարցման կարգով նիստ է եղել, օգոստոսի 14-ին կայքում տեղադրվել է մրցույթի հայտարարություն, մինչդեռ ռեկտոր Հովհաննես Հովհաննիսյանի հնգամյա ժամկետը սկսվել է 2021-ի դեկտեմբերի 17-ին և ավարտվում է 2026-ի դեկտեմբերի 17-ին։ Արձակուրդային շրջանում հայտարարված մրցույթին փաստաթղթերի ընդունման վերջնաժամկետը եղել է օգոստոսի 31-ը, իսկ սեպտեմբերի 2-ին հայտարարվել է, որ միակ թեկնածուն Հովհաննես Հովհաննիսյանն է։
