Իրանը հայտարարել է ԻՀՊԿ-ի համար նոր ստորգետնյա հրթիռային քաղաքի բացման մասին

Իրանը բացել է Իսլամական հեղափոխության պահապանների կորպուսի (ԻՀՊԿ) համար նախատեսված նոր ստորգետնյա հրթիռային քաղաք։ Այս մասին հայտնում է Mehr գործակալությունը։

Հաղորդագրության համաձայն՝ միջոցառմանը մասնակցել են Իրանի զինված ուժերի գլխավոր շտաբի պետ Ալի Աբդոլլահին և ԻՀՊԿ օդատիեզերական ուժերի հրամանատար Մաջիդ Մուսավին։ Նրանք այցելել են կորպուսի նոր ստորգետնյա հրթիռային օբյեկտներից մեկը։

Ավելի վաղ ԻՀՊԿ պաշտոնական ներկայացուցիչ Հոսեյն Մոհեբին հայտարարել էր, որ Թեհրանը վերացրել է հրթիռների թռիչքի հեռահարության սահմանափակումները։