Ինչո՞ւ չեղարկվեցին ԱՄՆ-Իրան բանակցությունները
Շվեյցարիայի Բուրգենշտոկ լեռան գագաթին գտնվող հանգստավայրում հունիսի 19-ին նախատեսված ԱՄՆ-ի և Իրանի միջև բանակցությունները չեն կայանա, հաղորդում է Reuters-ը՝ հղում անելով Շվեյցարիայի արտաքին գործերի նախարարության հայտարարությանը։
Հայտարարությունը հրապարակվեց, երբ Սպիտակ տան խոսնակը գիշերը հայտարարել է, որ ԱՄՆ փոխնախագահ Ջեյ Դի Վենսը հրաժարվել է ուրբաթ Շվեյցարիայում իրանական կողմի բանակցողների հետ հանդիպելու համար նախատեսված ուղևորությունից։ Որի նպատակը Թեհրանի և Վաշինգտոնի միջև ձեռք բերված համաձայնագրի իրականացման վերաբերյալ բանակցություններ սկսելն էր։
Նախկինում լրատվամիջոցներին հայտնել էին, որ իրանական պատվիրակությունը դադարեցրել է դեպի Ժնև ուղևորությունը՝ հարավային Լիբանանի դեմ Իսրայելի շարունակական հարվածների պատճառով։
Հինգշաբթի ավելի վաղ Թեհրանի դիրքորոշմանը ծանոթ աղբյուրը հայտնել էր, որ Իրանի գլխավոր բանակցող Մոհամմադ Բաքեր Ղալիբաֆը չի ծրագրում ներկա գտնվել բանակցություններին:
Ոչ միայն ամենաբարդ հարցերից մի քանիսը մնում են չլուծված, այլև երկարատև համաձայնագրի ապահովման ջանքերը կարող են բարդանալ նաև Լիբանանում Իսրայելի և «Հեզբոլլահ»-ի միջև հակամարտության պատճառով։
Ժամանակավոր համաձայնագիրը պահանջում է, որ Միացյալ Նահանգները, Իրանը և նրանց դաշնակիցները հայտարարեն ռազմական գործողությունների անհապաղ և մշտական դադարեցման մասին բոլոր ճակատներում, ներառյալ Լիբանանը:
Իսրայելը, որը դուրս է մնացել բանակցություններից, հայտարարում է, որ գործարքի կողմ չէ:
