Սիրիայի իշխանությունները մերժել են Լիբանանի շիա «Հեզբոլլահ» շարժման դեմ ուժ կիրառելու ԱՄՆ առաջարկը
Սիրիայի իշխանությունները մերժել են Լիբանանի շիա «Հեզբոլլահ» շարժման դեմ ուժ կիրառելու ԱՄՆ առաջարկը։ Այդ մասին հայտարարել է Սիրիայի նախագահի խորհրդական Ահմադ Զիդանը:
«ԱՄՆ-ն առաջարկել է, որ Սիրիան միջամտի Լիբանանի իրավիճակին։ Սիրիական պետությունը շահագրգռված չէ ռազմական միջամտությամբ։ Որոշ միջազգային դերակատարներ կարող են դիմել ռազմական մոտեցման, սակայն նման գործողությունները տարածաշրջանում ապացուցել են իրենց անարդյունավետությունը», — նշել է նա։
Զիդանի խոսքով՝ Դամասկոսը աջակցում է Լիբանանի կառավարության ջանքերին՝ պետական ինստիտուտների ամրապնդման ուղղությամբ, սակայն դեմ է արտաքին ռազմական ինտերվենցիային։
Պարբերականը նաև նշում է, որ ավելի վաղ քննարկվել էր Սիրիայի նախագահ Ահմեդ աշ-Շարաայի հնարավոր այցը Վաշինգտոն, որտեղ կարող էր խոսք գնալ Լիբանանում ստեղծված իրավիճակում Սիրիայի դերի մասին։ Սակայն ամերիկյան կողմը հետագայում հայտնել է, որ նման այցը ներկայիս ծրագրերում ներառված չէ։
Ավելի վաղ ԶԼՄ-ներում հաղորդումներ էին հայտնվել այն մասին, որ ԱՄՆ-ն դիտարկում է Լիբանանում իրավիճակի կարգավորմանը Սիրիային ներգրավելու հնարավորությունը, սակայն այդ տվյալները պաշտոնապես հերքվել էին։
