Ռուսաստանը հայտարարել է, որ կմասնակցի Ղարաբաղում սոցիալական նշանակության ծրագրերի իրականացմանը
Ռուսաստանը պատրաստակամ է մասնակցել Ղարաբաղում սոցիալական նշանակության ծրագրերի իրականացմանը։ «Արմենպրես»-ի հաղորդմամբ՝ այս մասին Սանկտ Պետերբուրգի միջազգային տնտեսական համաժողովի շրջանակում «Ռուսաստան-Ադրբեջան» նստաշրջանի ընթացքում հայտարարել է Ռուսաստանի արտաքին գործերի նախարարի տեղակալ Միխայիլ Գալուզինը։
Գալուզինի խոսքով՝ Ռուսաստանի աջակցությամբ ներկայում իրականացվում է մանկապարտեզի կառուցման ծրագիր։
ՌԴ փոխարտգործնախարարը նաև նշել է, որ աճում է ռուս գործարարների հետաքրքրությունը տարածաշրջանում բիզնես նախագծերի իրականացման նկատմամբ։
Նրա գնահատմամբ՝ դա լավ հիմք է ստեղծում ապագայում ռուսական և ադրբեջանական ընկերությունների միջև գործարար կապերի հետագա ամրապնդման համար։
«Ռուս ձեռնարկատերերի հետաքրքրությունը տարածաշրջանում բիզնես նախագծերի իրականացման նկատմամբ աճում է, ինչը լավ նախադրյալներ է ստեղծում ռուսական և ադրբեջանական ընկերությունների համագործակցության զարգացման համար»,- ընդգծել է Գալուզինը։
