FIP-ը կոպիտ սխալ է թույլ տվել, Գագիկ Ծառուկյանը ճիշտ է ասել. Տնտեսագիտության դոկտորի փաստարկներն ու հակափաստարկները

Տնտեսագիտության դոկտոր, պրոֆեսոր Միքայել Մելքումյանը փաստերով ու կոնկրետ հաշվարկներով հակադարձում է «Փաստերի ստուգման հարթակի» (FIP)՝ Գագիկ Ծառուկյանի հնչեցրած թվերի վերաբերյալ հրապարկմանը։

««Փաստերի ստուգման հարթակը» կոպտագույն սխալ է թույլ տվել. ինչ-որ թիվ մի աղբյուրից վերցնել ու ասել այս թիվն այսքան է, ուրեմն դա իրականության հետ որևէ աղերս չի կարող ունենալ։

Չի կարելի «Փաստերի ստուգման հարթակ» հանդիսանալ և չստուգված, մերկապարանոց հայտարարություն անել և թյուրիմացություն փորձել ստեղծել։ Մասնագիտական գնահատականն այն է, որ պարոն Ծառուկյանը շատ էլ ճիշտ նպատակակետին է ասել, մի բան էլ քիչ է ասել»,- ասում է Մ.Մելքումյանը։

Նրա հակափաստարկներից մեկը ՌԴ-ից Հայաստան եկած տրանսֆերների վերաբերյալ Կենտրոնական բանկի հրապարապած պաշտոնական թվերն են ու դրանց հիման վրա արված պարզ հաշվարկը։ Նա նաև այլ հիմնավորում և հաշարկ է ներկայացնում. «Տարեկան քանի՞ աշխատանքային միգրանտ կամ քաղաքացի է գնում Ռուսաստան աշխատելու։ Եթե նույնիսկ վերացնենք 100-130 հազար մարդ է, ամենացածր թիվն եմ ասում տարեկան կտրվածքով, եթե ամսական էլ 1000-1500 դոլար են աշխատում, միջանկյալը վերցնեմ՝ 1250 դոլար, դա բազմապատկեմ 120-130 հազար մարդով, արդեն ամսական կտրվածքով կստանամ 150-160 միլիոն դոլար»։

Մելքումյանը հայտարարում է, որ պատրաստ է բանավիճել ցանկացած մասնագետի հետ՝ հիմնավորելու իր ներկայացրած հաշվարկներն ու մասնագիտական վերլուծություն ներկայացնել, իսկ «Փաստերի ստուգման հարթակին» կոչ է անում չմոլորեցնել հանրությանը, հրապարակման հիմքում մասնագիտական հաշվարկներ ու փաստարկներ ներկայացնել։

Նշենք, որ Կոտայքի մարզ այցի ընթացքում քաղաքացիների հետ հանդիպման ժամանակ «Բարգավաճ Հայաստան» կուսակցության նախագահ Գագիկ Ծառուկյանն ասել է․ «Ռուսաստանից ամսական 150-180 մլն դոլար տրանսֆեր է գալիս Հայաստան։ Ըստ «Փաստերի ստուգման հարթակի», Գագիկ Ծառուկյանի հրապարակած թվային տվյալները ճշգրիտ չեն։

Մանրամասն՝ «Կենտրոն» հեռուստաընկերության տեսանյութում։