Թուրքիան լուրջ ջանքեր է գործադրում Ադրբեջանի և Հայաստանի միջև խաղաղություն հաստատելու համար․ Ֆիդան
Թուրքիան լուրջ ջանքեր է գործադրում Ադրբեջանի և Հայաստանի միջև խաղաղություն հաստատելու համար, Անկարայում «Անադոլու» գործակալության լրագրողների հետ կլոր սեղանի ժամանակ հայտարարել է Թուրքիայի արտգործնախարար Հաքան Ֆիդանը։
Ֆիդանը նշել է, որ տարածաշրջանում լարվածությունը կանխելու Անկարայի ակտիվ քայլերը ակնհայտ են նաև դիվանագիտական ոլորտում, այդ թվում՝ տարածաշրջանային և համաշխարհային խաղացողների միջև ուժերի հավասարակշռությունը պահպանելու նպատակով։
«Տարածաշրջանում իրավիճակի ցանկացած փոփոխություն և անկայունություն այս կամ այն կերպ ազդում է Թուրքիայի վրա, ուստի Անկարան պետք է ազգային տեսակետ ունենա աշխարհի տարբեր մասերում, այդ թվում՝ Հարավային Կովկասում տեղի ունեցող զարգացումների վերաբերյալ», – ընդգծել է Թուրքիայի արտգործնախարարը։
