Ֆրանսիան չի մասնակցի Հորմուզի նեղուցի բացման գործողություններին․ Մակրոն
Ֆրանսիայի նախագահ Էմանուել Մակրոնը հայտարարել է, որ Ֆրանսիան երբեք չի մասնակցի Հորմուզի նեղուցը բացելու գործողություններին՝ հակադարձելով ԱՄՆ նախագահ Դոնալդ Թրամփի այն խոսքերին, որ Փարիզը պատրաստ է օգնել։
Երկուշաբթի օրը Սպիտակ տանը կայացած միջոցառման ժամանակ Թրամփը նշել է, որ խոսել է Մակրոնի հետ՝ Հորմուզի նեղուցը բացելու դաշնակիցներին համոզելու իր դիրքորոշման վերաբերյալ, և առաջարկել է, որ Մակրոնը միանա ԱՄՆ-ի ջանքերին։
«Մենք հակամարտության կողմ չենք, ուստի Ֆրանսիան երբեք չի մասնակցի Հորմուզի նեղուցը բացելու կամ ազատագրելու գործողություններին ներկայիս համատեքստում», – ասել է Մակրոնը Մերձավոր Արևելքում հակամարտությունները քննարկելու նպատակով կառավարության նիստին։
