Վիգեն Էուլջեքջյանի կինը դիմել է Մեհրիբան Ալիևային՝ խնդրելով ներում շնորհել ամուսնուն

Լինդա Էուլջեքջյանը նամակ է ուղարկել Ադրբեջանի առաջին փոխնախագահ Մեհրիբան Ալիևային՝ խնդրելով ներում շնորհել իր ամուսնուն՝ Վիգեն Էուլջեքջյանին, որը գրեթե հինգ տարի բանտում է, հաղորդում են ադրբեջանական լրատվամիջոցները։

Նամակում նա մանրամասն նկարագրում է ընտանիքի դժվարին վիճակը. ամուսինը չի կարողացել հրաժեշտ տալ մահացած մորը, իսկ իր մայրը ներկայումս պայքարում է քաղցկեղի դեմ: Բանտարկյալի կինը շեշտում է, որ ներումը կլինի կարեկցանքի դրսևորում, որը թույլ կտա ընտանիքին վերամիավորվել, և նրանց հորը վերադառնալ երեխաների մոտ:

«Ձերդ գերազանցություն, ես դիմում եմ ձեր սրտին, ձեր կանացիությանը, ձեր ըմբռնմանը՝ թե ինչ է նշանակում արժանապատվորեն շարունակել ժառանգությունը։ Ձեր ձայնը և ձեր կարեկցանքը կարող են ոչ միայն խաղաղություն բերել իմ տուն, այլև հզոր ուղերձ հղել աշխարհին, որ Ադրբեջանը, ձեր ղեկավարության ներքո, ոչ միայն հզոր է, այլև ողորմած, որ այն հասկանում է մարդկային բացակայության գինը և ներման բուժիչ ուժը», – ասվում է նամակի մեջ։

Ադրբեջանի վերջերս հայտարարված համաներման մասին հայտարարությունը վերաբերում է մինչև 20,000 բանտարկյալների և կարող է ներառել նաև Վիգեն Էուլջեքջյանին, ինչը ընտանիքին հույս է ներշնչում արագ ազատ արձակման համար։