Ովքեր են այսօր Բաքու մեկնել

Բաքու ժամանած Հայաստանի քաղհասարակության ներկայացուցիչներն են՝ Երևանի մամուլի ակումբի նախագահ Բորիս Նավասարդյանը, քաղաքագետներ Արեգ Քոչինյանը, Նարեկ Մինասյանը, Սամվել Մելիքսեթյանը, իրավապաշտպան Նաիրա Սուլթանյանը։

Նոյեմբերի 21-22-ը Հայաստանից 5 փորձագետ կգտնվեն Բաքվում, որտեղ կշարունակվի երկխոսությունը օգոստոսի 8-ին Վաշինգտոնում համատեղ հայտարարության ընդունումից հետո սահմանված խաղաղության օրակարգի շրջանակներում։ Այդ նպատակով Երևան-Բաքու և Բաքու-Երևան չարտերային թռիչք կազմակերպելու համար Հայաստանի կառավարությունը շուրջ 18 մլն դրամ է հատկացրել։ Համապատասխան որոշումն ընդունվել է ՀՀ կառավարության նիստին։

Հիշեցնենք՝ հոկտեմբերի 21-ին ուղիղ չվերթով ադրբեջանցի փորձագետներ էին ժամանել Երևան՝ մասնակցելու քաղհասարակության ներկայացուցիչների միջև երկկողմ հանդիպմանը։