Հրաչյա Ղազարյանն ազատվել է ՔԿ Արմավիրի մարզային քննչական վարչության պետի պաշտոնից․ պարտականությունները ժամանակավորապես կկատարի Արտակ Ղազարյանը

Հրաչյա Ղազարյանն ազատվել է ՔԿ Արմավիրի մարզային քննչական վարչության պետի պաշտոնից։ Այս մասին տեղեկանում ենք ՀՀ քննչական կոմիտեից։

Համաձայն փաստաթղթի՝ Հայաստանի Հանրապետության քննչական կոմիտեի Արմավիրի մարզային քննչական վարչության պետ, արդարադատության առաջին դասի խորհրդական Հրաչյա Սուրենի Ղազարյանին ազատել զբաղեցրած պաշտոնից՝ իր գրավոր դիմումի հիման վրա:

Հրամանն ընդունվել է հիմք ընդունելով «Հայաստանի Հանրապետության քննչական կոմիտեի մասին» օրենքի 20-րդ հոդվածի 8-րդ մասը և 22-րդ հոդվածի 1-ին մասի 2-րդ կետը: Փաստաթուղթը թվագրված է 2025 թվականի սեպտեմբերի 25-ով:

Մեկ այլ հրամանով ՔԿ Արմավիրի մարզային վարչության պետի պարտականությունները ժամականավորապես կկատարի Արտակ Ղազարյանը՝ մինչև հաստիքի համալրումը։