Թեհրանում շաբաթ տեղի կունենա իրանցի բարձրաստիճան հրամանատարների և գիտնականների պետական հուղարկավորությունը
Իրանի ժողովուրդը, պաշտոնյաները և կրոնական գործիչները շաբաթ օրը Թեհրանում կմասնակցեն երկրի դեմ Իսրայելի վերջին հարձակման ժամանակ զոհված բարձրաստիճան հրամանատարների պետական հուղարկավորությանը, հաղորդել է Tasnim-ը։
Իսրայելը պատերազմ է սկսել Իրանի դեմ հունիսի 13-ին՝ ավիահարվածներ հասցնելով իրանական միջուկային, ռազմական և բնակելի օբյեկտներին, որի հետևանքով զոհվել է ավելի քան 600 իրանցի, այդ թվում՝ բարձրաստիճան զինվորական հրամանատարներ, միջուկային գիտնականներ և շարքային քաղաքացիներ։
Արարողության ժամանակ հրաժետ կտան Իրանի Զինված ուժերի շտաբի պետ, գեներալ-մայոր Մոհամադ Հոսեյն Բակերիին, Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամիին, Իրանի «Հաթամ ալ-Անբիա» կենտրոնական շտաբի հրամանատար, գեներալ-մայոր Գոլամ Ալի Ռաշիդին, ԻՀՊԿ օդատիեզերական ուժերի հրամանատար, գեներալ-մայոր Ամիր Ալի Հաջիզադեին և իրանցի մի քանի միջուկային գիտնականների։
Զոհերի պետական հուղարկավորության արարողությունը նախատեսված է շաբաթ օրը Թեհրանում և կսկսվի տեղի ժամանակով ժամը 08:00-ին՝ Թեհրանի համալսարանի գլխավոր դարպասից դեպի Ազադի հրապարակ, քաղաքացիների և պաշտոնյաների զանգվածային մասնակցությամբ։
