Վրաստանի խորհրդարանն ընդունել է օտարերկրյա գործակալների մասին օրենքի ամերիկյան տարբերակը
Վրաստանի խորհրդարանը երրորդ և վերջին ընթերցմամբ ընդունել է Օտարերկրյա գործակալների մասին օրենքը, որը ԱՄՆ-ում գործող FARA-ի (Օտարերկրյա գործակալների գրանցման ակտ) օրենքի ճշգրիտ պատճենն է։ Օրենքին կողմ է քվեարկել 86 պատգամավոր, դեմ՝ ոչ ոք:
Փետրվարի սկզբին իշխող «Վրացական երազանք-Ժողովրդավարական Վրաստան» կուսակցությունը հայտարարեց, որ ընդունելու է ամերիկյան օտարերկրյա գործակալների ակտի ճշգրիտ անալոգը՝ FARA: Կուսակցությունների ղեկավարների կարծիքով, նոր օրենքն ավելի արդյունավետ կլինի, քան անցյալ տարվա մայիսին ընդունված «Օտարերկրյա ազդեցության թափանցիկության մասին» օրենքը՝ այն հասարակական կազմակերպությունների արտաքին ֆինանսավորման դեմ պայքարում, որոնց իրական նպատակը երկրում հեղափոխական գործընթացներին աջակցելն է։
Վրացական օրենքը, ի տարբերություն ամերիկյանի, չի տարածվում ֆիզիկական անձանց վրա և ենթադրում է միայն տուգանքներ տարեկան եկամտահարկի հայտարարագիր չներկայացնելու համար։ Ամերիկյան օրենքը նախատեսում է մինչև 5 տարվա ազատազրկում։
