Թրամփը հրամանագիր է ստորագրել հակասեմականության դեմ պայքարի մասին
ԱՄՆ նախագահ Դոնալդ Թրամփը հրամանագիր է ստորագրել հակասեմականության դեմ պայքարի լրացուցիչ միջոցների մասին, հայտնել է Սպիտակ տունը։
«Միացյալ Նահանգների քաղաքականությունը եռանդուն կպայքարի հակասեմականության դեմ՝ օգտագործելով բոլոր առկա իրավական գործիքները՝ անօրինական հակասեմական գործողությունների եւ բռնությունների համար պատասխանատուներին հետապնդելու, հեռացնելու կամ այլ կերպ պատասխանատվության ենթարկելու համար»,- նշվել է հրամանագրի տեքստում։
Սպիտակ տունը նշել է, որ գործող հրամանագիրը լրացնում է նախորդին, որն ընդունվել էր Թրամփի առաջին վարչակազմի ժամանակ, սակայն նոր փաստաթուղթը լրացուցիչ միջոցներ է նախատեսում 2023թ. հոկտեմբերի 7-ին Իսրայելի դեմ ՀԱՄԱՍ-ի ահաբեկչություններից հետո։
The Guardian-ը ենթադրում է, որ Թրամփի նոր հրամանագիրն ուղղված է Գազայում Իսրայելի պատերազմի դեմ ցույցերի մասնակիցներին, քանի որ այն պահանջում է, որ դաշնային գործակալությունները «հետազոտեն պաղեստինամետ ակտիվիստներին, այդ թվում՝ ուսանողական ցուցարարներին, որոնք, եթե դա պարզվել է, խախտել են օրենքը ցույցերի ժամանակ»:
