Այսպիսի տեքստեր շուտով կլսենք Սյունիքի ու Գեղարքունիքի, Երևանի ու Կապանի, Գորիսի ու Արարատի, Ջերմուկի ու Տավուշի վերաբերյալ
Իշխանության քաղաքական մտքի, տրամաբանության, առողջ դատողության անկման մակարդակը հասկանալու համար բավական է միայն համադրել իրենց իրական քայլերն ու բանավոր հայտարարությունները։
Եվ այսպես…ներկայիս իշխանությունների հավաքական պաշտոնական դիրքորոշումը հետևյալն է.Ադրբեջանը պատրաստվում է էթնիկ զտումներ (Ցեղասպանություն) իրականացնել արցախահայության նկատմամբ, սակայն այնուամենայնիվ, Հայաստանը ճանաչում է Ադրբեջանի տարածքային ամբողջականությունը Արցախի հետ ներառյալ, բայց պահանջում է ապահովել Արցախի հայ բնակչության իրավունքներն ու ազատությունները:
Իսկ հիմա թարգմանություն նորմալ լեզվով-
– Հայաստանը գիտի, որ թուրք-ադրբեջանական տանդեմը պատրաստվում է վտարել/ոչնչացնել արցախահայությանը, բայց չնայած դրան, պաշտոնական Երևանը պատրաստ է ճանաչել արցախահայությանը վտարելու/ոչնչացնելու թուրք-ադրբեջանական տանդեմի իրավունքը (ընդունելով Արցախը որպես ադրբեջանի մաս) միաժամանակ պահանջելով թուրք-ադրբեջանական տանդեմից չվտարել/ոչնչացնել արցախահայությանը:
Դուք հասկացաք, թե իրականում ի՞նչ են ասում և անում Հայաստանի ներկայիս իշխանությունները։
Ի դեպ, մոտավորապես այսպիսի տեքստեր (իմաստային փոքր փոփոխություններով) շուտով կլսենք Սյունիքի ու Գեղարքունիքի, Երևանի ու Կապանի, Գորիսի ու Արարատի, Ջերմուկի ու Տավուշի վերաբերյալ։
…
Ես անկեղծորեն պարզապես չեմ հասկանում, «հպարտ քաղաքացիներ» գոնե ինքնապահպանման բնազդը պե՞տք է աշխատի:
Էս ի՞նչ աբսուրդ է կատարվում։
Արման Աբովյանի ֆեյսբուքյան էջից
